Hannah - 3 years old

TERIMA KASIH TUHAN...ka pemeri Nuan pengambis berega ba pengidup aku. Saritu genap 3 taun umur Hannah Wong (nitih Lunar Calendar). 

Enda berasai meda pemansang pemesai tubuh anak. Agi dikingat ke maia tudah Hannah ditanggung ari perut, dituchi lalu disuak ke ba aku. Disilak ka indu misi kain kena malut tudah, ngasuh aku meda 'baby girl' or 'baby boy' and she's a girl. Apu...lenyau lengis meh labour pain ke ditat 18 jam sebedau aku diputung lutor.

Gambar Hannah 1st day

Hannah 6 months old

Nya cerita 3 taun suba, diatu iya udah nemu nyadi Ultramen. Tusah ati meda pengawa anembiak kemaia ari. Nama-nama aja pengawa digaga urang tuai, ia sigi enda kala enda ampit. Enda manchal enda ga manah ko nenek ia. Enti manchal, reti nya sida cerdas enggau cergas. Ko jaku urang tuai nya...

2 years plus.

Sentimental mode pulak meda gambar ia baru ada suba.  Oh Tuhan, penuh ka meh pengasih ba anak ka benung mansang baka Hannah tuk. Nadai utai bukai dikarap ka sida apai tauka indai ba bala anak, pengerai, pengelantang enggau pemujur. Arap ka Tuhan semampai begulai enggau sida. Aram besampi ka bala anak kitai:

"Allah Taala ke pemadu berkuasa, Apai kami ke di serga. Terima kasih Tuhan laban Nuan udah merkat ka kami sebilik sereta meri anak tuk ngagai kami. 

Kami besampi ka anak ke agi mit tuk, ke benung mansang dalam pemesai tubuh, awak ka Nuan meruan merkat ka pemansang iya. Awak ka ia mansang ba utai ti badas dalam pengidup iya.

Kami nyerah ka sampi tu dalam nama Tuhan Jesus ke pengelepas kami. Amin"